Thursday, November 19, 2009

Dil k zakham.....

Poonam ki raat aangan mein aaya na karo
Chaandni ko is tarah lajaaya na karo;

Mujh jaise log ho na jaayein badgumaan kahin
Bevajah hi tum yun muskuraaya na karo;


Jo khud hi bikhra hai, kisi ko kya dega?
TuTate taare ko yun aazmaaya na karo;

Maana ki tere dard ne kuchh sher de diye
Par bahut hua ab aur sataaya na karo;

Khata pe meri mujhse naaraaz bhi nahin
Apne diwaane ko yun paraaya na karo;

Main sang ho gaya to koun puchhega tujhe
Ae khuda mujhko itna rulaaya na karo;

TuTengi to sidhe aankhon mein chubhegi 'DOST
Khwhaahishon ko sar pe chadhaaya na karo...!!!

0 comments :